Mae gan Sarah dros bum mlynedd ar hugain o brofiad ym maes dulliau ymchwil ansoddol a meintiol a dadansoddi data a bu’n brif ymchwilydd ac ymgynghorydd ar lawer o astudiaethau’r Uned. Yn ogystal â’i waith a gomisiynir, mae gan Sarah gyfrifoldeb am raglenni ymchwil weithredu’r Uned Pobl a Gwaith gan gynnwys llunio ei waith presennol o amgylch ymgysylltu â theuluoedd gyda dysgu fel offeryn ar gyfer trechu tlodi plant a chymorth i wneud hyn. Sarah yw cyfarwyddwr sefydlu Lles Cymru ac mae’n Gadeirydd arno ac yn cadeirio ei grŵp ymchwil a gwerthuso. Yn ddiweddar mae wedi cyhoeddi pennod ar blant, pobl ifanc a llesiant yn ‘From Public Health to Wellbeing’ a gomisiynwyd gan Palgrave Publishing (Macmillan 2011) ac yn ddiweddar cyfrannodd bennod ar waith ieuenctid a’r ardal leol yn y llyfr ‘Journeying Together’ (golygyddion A Rogers ac M Smith 2010. Russell House).

Mae Duncan yn ymchwilydd cymdeithasol profiadol iawn, ac mae ganddo hyfforddiant ôl-radd mewn dulliau ymchwil meintiol ac ansoddol. Mae Duncan wedi addysgu dulliau ymchwil ar lefelau israddedig ac ôl-radd ym Mhrifysgol Cymru Abertawe ac mae’n defnyddio pymtheg mlynedd o brofiad o ymgymryd ag ymchwil ansoddol a meintiol yng Nghymru a hefyd yn Awstralia, Tanzania a Gwlad yr Iorddonen.

Ers ymuno â Pobl a Gwaith yn 2004, mae Duncan wedi arbenigo mewn ymchwil ym maes addysg, pontio ieuenctid ac adfywio cymunedol, ac mae wedi arwain ymchwil proffil uchel ac astudiaethau gwerthuso ar gyfer Llywodraeth Cymru, Awdurdodau Lleol, Sefydliad Joseph Rowntree ac Achub y Plant. Mae hyn yn cynnwys, er enghraifft:

Gwerthuso RAISE, rhaglen £45m+ i fynd i’r afael â’r cysylltiad rhwng tlodi a chyrhaeddiad addysgol gwael;

Y rhaglen pum mlynedd o ymchwil weithredu i lywio diwygio’r fframwaith statudol ar gyfer anghenion addysgol arbennig;

Yr arolwg cenedlaethol cyntaf o fwlio mewn ysgolion yng Nghymru;

Gwerthuso Fframwaith Effeithiolrwydd Ysgolion Cymru;

Ymchwil i Dlodi ac Ethnigrwydd yng Nghymru, ar gyfer Sefydliad Joseph Rowntree;

Y gwerthusiad deng mlynedd o Buddsoddi’n Lleol.

Cyn ymuno â Pobl a Gwaith gweithiodd Duncan fel Darlithydd Cyswllt ar gyfer y Ganolfan Astudiaethau Datblygu ym Mhrifysgol Cymru Abertawe a’r Ganolfan Gwasanaeth Cymunedol ac Ymchwil ym Mhrifysgol Queensland.

Roedd Rhodri’n arfer gweithio fel ymchwilydd ym Mhrifysgol Cymru Caerdydd, lle cafodd brofiad o dechnegau ymchwil feintiol. Cymraeg yw ei iaith gyntaf, ac yn ddiweddar cwblhaodd gwrs Cymraeg uwch ym Mhrifysgol Caerdydd. Cwblhaodd ei MSc mewn Marchnata ym Mhrifysgol Morgannwg. Yn ystod ei wyth mlynedd yn yr Uned mae Rhodri wedi arwain sawl gwerthusiad, er enghraifft ymyriadau mewn ysgolion mewn meysydd fel STEM, prosiectau Cronfa Gymdeithasol Ewrop sy’n ceisio gwella cyflogadwyedd a sgiliau ymhlith pobl ifanc ddifreintiedig, a phrosiectau datblygu cymunedol. Mae ganddo sgiliau arbenigol ym maes dylunio a dadansoddi arolygon, a dadansoddi setiau data cymhleth. Mae Rhodri’n credu mewn mabwysiadu dulliau syml a dealladwy er mwyn cyflawni monitro a gwerthuso prosiectau’n effeithiol. Yn ogystal, mae gan Rhodri brofiad o ddarparu rhaglenni hyfforddi mewn meysydd pwnc fel deall sut i ddefnyddio Mynegai Amddifadedd Lluosog Cymru.

Mae gan Natasha dros ddeng mlynedd o brofiad yn gweithio yn y sector manwerthu ar lefel reoli ac ymunodd â Pobl a Gwaith trwy gyllid y Loteri Genedlaethol i ddatblygu menter gymdeithasol Play It Again Sport.
Roedd Natasha wedi gweithio gyda sefydliadau trydydd sector yn ei chyflogaeth flaenorol a oedd wedi hwyluso newid ffocws, ac wedi ysgogi cyd-greu Grŵp Cymuned Creadigol Rhondda – grŵp sy’n ymdrechu i ddarparu gweithgareddau celfyddydol hygyrch i’r rheini yn y Rhondda.
Mae hi wedi byw yn yr ardal leol am bedair blynedd ar ddeg ar ôl symud i Gymru i astudio ym Mhrifysgol Abertawe.
Mae Natasha wedi gweithio mewn rolau amrywiol mewn sawl manwerthwr gwahanol ac mae ganddi brofiad o reoli pobl a stoc, creu a darparu rhaglenni hyfforddi ochr yn ochr â marsiandïaeth a gyrru masnacheiddio.